|  2007跨2008
08年的開始算是不錯,第一次在大學成績有明顯的進步~
第一次修23學分 all pass 平均分達到80分~
是在人生中最高的一次平均分^^"
-----------------------------------------------
1月
冼家姐結婚,一考完試就即刻返香港幫佢影相
好開心可以親眼同埋親手幫洗家姐影婚禮~
年輕的契家姐結婚,聽講好多人都覺得好可惜~
哈哈~因為好多人都覺得洗家姐好靚呀~~^^
祝福洗家姐婚姻一生一世都很幸福快樂~
-----------------------------------------------
1月 第一次同阿哥坐巴士去湖南張家界六天旅行 第一次感受落雪的環境,影左好多相~ 好彩我07年暑假就真正開始學影相~ 如果唔係呢次旅行都影唔到咁多相記錄~ 最慘係遇正雪災...六天變十二天... 真係勁驚返唔到香港過年...經歷過零下十五度既雪地訓左一晚... 真係學識左要帶夠禦寒衣物!!! http://www.fotop.net/lamyilok/zjj---------------------------------------------
2月
因為雪災滯留既關係所以旅行社送左個煙花一天團比我地~
同阿爸同埋峰峰一齊去左玩一日~
雖然睇煙花可以唔使同人迫...不過o係船上係影唔到相既...
係咁搖搖搖...搞到用腳架都係無用的...
-----------------------------------------------
購入第一支L鏡"小小白IS"
有一日阿哥問我係唔係好想買小小白IS
我話:"梗係!!仲使講"
阿哥二話不說,提錢比你買~
.....現金八千幾比我就走去買鏡
就係咁...就購入第一支L鏡!!!
小小白IS既防震威力超強,320mm焦距 1/15都可以唔手震
睇返canon 32支必買鏡頭測試,小小白IS係眾多支鏡之中最高質素
試過之後...真係無野講...
↓小小白IS影出黎既相
-----------------------------------------------
2月
返返台灣,同學姐一齊去睇元宵花燈
台灣花燈都幾多,同埋都搞得幾大
雖然多人,但係都玩得幾開心~
仲可以試到我支新買既小小白IS^^
效果一流
-----------------------------------------------
4月
安素堂復活節巨獻《天使來了‧免驚》
呢次台灣既教會我負責做燈光兼結他手
每次安素堂演出我都覺得上帝好恩待我地~
因為每次最後都能順順利利演出,非常成功
同安素堂一班弟兄姊妹有合一的心,共同完成一件事實在美好
-----------------------------------------------
4月 東吳大學飢餓三十自辦營 我負責大會的器材組組長,負責:攝影,電腦,燈光,DV,剪接,播片,音控...一手包辦... 呢一次真係攰到要左我條命...到依家都記得好清楚... 特別完左第一日當大家都在睡夢中,我還在剪片... 我只睡了一個小時...又被大家吵醒叫我去搬豆漿... 真係攰到嘔...最後我都不負所望,係結束回顧既時候將兩日既片都剪好哂... 真係要命呀...好彩最後得到大家的掌聲,成個教堂既人都為我歡呼~ 一切都值得的~真係好開心~學左好多野~ ↓剪左成晚無得訓既回顧片 http://tw.youtube.com/watch?v=Vkn6b0YgM9k&eurl=http://www.fotop.net/lamyilok/30?page=1-------------------------------------------- 5月22日 24歲生日,已經唔記得左點慶祝...可能無慶祝... 可能都無人幫我慶祝...仲之都唔記得左做過D咩... 唉.... -------------------------------------------
東吳團契最後一次出遊,唔使我負責任何野,不過當然就係有我最想做既野~
影相囉~~幫團友影左好多相,好開心,仲一路踩住二人單車一邊踩一邊影相...
勁型...仲好危險添~哈哈
係一日好享受既出遊~仲食埋晚飯先返歸,真係爽!!!
----------------------------------------
東吳團契送舊交接
今年我係大四既學長,在東吳團契都生活左兩年半,真係好多回憶o係團契
仲成長左好多,多謝你地比我有一個溫暖的家,也讓我信仰路上有更大的成長
真係好多謝你地^3^
小插曲:在這個時候開始認識到她~
------------------------------------------
畢業啦!!大學四年既辛酸真係無人能明白~
大一啱啱入學,在宿舍生活非常hea...仲跟唔上成績...
被當左好多個學分...
大二搬左出去住...比台灣既一個賤房東騙錢...
另外同佢分手,之後仲有憂鬱症,但係自己都無意識要人幫,自想關自己在一處~
完全被同學排擠...溶入唔到佢地...仲次次返學都比人話我成日走堂都唔會返學~
完完全全唔想讀書...最差既一年...有想自殺既一年~
大三因為去學校教堂工讀,所以重新投入返教會生活~
開始參與事奉,重新與神建立關係~
學業開始重新起步,牧師教我讀書~
所以呢一年既成績係平均分合格~
拎返唔少學分~勁追.....
暑假返香港實習做社工~
真係好攰...做左一本五萬五千幾字既實習記錄~
真係勁呀~~~
大四實習發表...超攰...攰到爆炸...
仲要修成24學分...但係靠著神我居然可以拎到80分平均分~
名次從最後一名向前跳二十幾名~勁呀~~~感謝主
呢一日畢業lu~阿爸同志峰特別黎台灣睇我畢業禮~
好開心~仲做我私人攝影師~個個同學都好羨慕^^"
因為有好多靚相記錄^^
----------------------------------------------
台灣愛情
與她一起,從來沒有那麼喜歡一個人~
她對我好到一種地步真的令我很愛她~
在飢餓三十環島旅行都過著甜蜜的生活~
可惜...環島回去後慢慢關係遠離...她也身體越來越不好~
離開前還做了大手術,很痛心...只能與她過著一段短短的生活~
但我覺得很開心~
--------------------------------------------
飢餓三十"愛地球，愛久久"
第一次擔任大會主席
從頭到結束都做管理的任務~
這次也是不能與學員玩在一起~
不過代表教會做大會主席真係幾有壓力~
仲要開會過程有不少吵架的情況~
但身為大會主席只能好好調解~
呢一次真係好攰...攰到結束既時候發燒...
真係擺命...又一次擺命既經歷~
但係好開心~
-------------------------------------------
七月台灣環島
第一次將台灣環一次,第一次用電單車渣咁耐車~
真係有開心有唔開心既時候,不過當然好多時候都開心啦~
有一個學弟一個學妹陪我環島,互相照顧都幾好既~
不過綠島真係好靚好正~有機會我真係要再去多次~
希望下一次係可以同伴侶一齊去啦~^^
-------------------------------------------
台灣我要離開啦~
走之前與最好的朋友告別,妳們真的是好朋友呀~
很會關心別人對人很好,雖然不能常常見面聊天~
不過妳們真的是我的好朋友呀^^"
我在台灣五年了,認識了很多朋友,也學會了流利的國語~
台灣真是一個很特別很好的地方~我很喜歡~
不知道什麼時候還能住一段長時間呢?
很想再過台灣的生活日子~
---------------------------------------------
8月尾返香港-10月尾
金融海嘯令我呢個社會新鮮人與上困難...
寄左成一百封求職信,只有幾次既interview機會~
搵工搵左兩個月...真係好灰...無聊到呢...真係慘呀~~
好多朋友都鼓勵我,導師鼓勵我,但係我都唔知神要我讀社工做乜...
真係搵左好多工我都唔想做返社工既工作...
原因係在台灣既時候有朋友想自殺,但自己用左好多既力去做~
但係佢都好傷心,不過最後好彩都無事...但係我就開始唔想做呢行~
搵工搵到灰到爆炸...
--------------------------------------------
小插曲:
愛情真係好難,有時真係好難講~
有時你需要人,人未必需要你~
時間彼此是否配合?
我唔知道上帝最終會比邊位姊妹比我~
但係現時與她彼此相處真係好開心~
但彼此選擇暫時不會一起,唔知最終會唔會係妳呢?
現時相處開心就好!?真的很難去想~
--------------------------------------------
10月尾搵到我畢業後第一份工~
最終我都係選擇返做社工...哈哈
因為香港社工註冊局唔認我個學歷~
所以做唔到社工,但係啱啱好依家做既機構請人~
經過一次既面試,過左幾日就打黎話請我~
機構請我做青年輔導員,好彩唔使慘到做PW...
不過我只係比PW待遇好DD...
不過點都好啦,做住先...遲D補返個社工學位再註冊~
希望真係神要用我,繼續為我開路啦~
--------------------------------------------
購入第二次L鏡~
買買賣賣左成三支鏡~
最後都要選擇L鏡!!!
真係無選擇錯~
大三元其中一支威力勁~
-------------------------------------------
2008年聖誕
五年無o係香港過聖誕lu
今年聖誕燈飾都唔錯~
起碼好過台灣多多聲~
今年同好多影友去影相~
仲去左好多次朗豪坊...
攝影技術慢慢進步~
聖誕過得唔錯^^
成為08年最後美好的日子~
|
